Ролли Ромеро Девин Хейни билан шартнома имзолади, Шаҳрам Ғиёсов яна чемпионлик жангисиз қолди

“Энди бир томондан бошқасига ўйнаш йўқ, — деб ёзди Ромеро ижтимоий тармоқда. — Мен ҳужжатларни имзоладим, муҳрладим ва юбордим. Жиддий келишув. Ҳа айнан шундай”.

Ромеронинг сўзларига кўра, Хейни ҳам шартномани имзолашга яқин турибди. Шу билан бирга, WBА чемпиони Ромеро ўзининг камарига мажбурий даъвогар Шаҳрам Ғиёсовни очиқчасига эътиборсиз қолдиришда давом этмоқда. У ҳатто боксчимиз ҳақида гапириб, аввал ҳеч қачон унинг исм-шарифига дуч келмагани ва эшитмаганини айтган эди.

"Бошқа томондан иккинчи томонга тўп ташлаш йўқ, - деб ёзди Ромеро ижтимоий тармоқда. - Ҳужжатларни имзолаб, муҳрлаб жўнатдим. Жиддий битим. Ҳа, мен бу жангга жиддий эътибор қаратяпман".

Ромеронинг сўзларига кўра, Хейни ҳам шартнома имзолашга яқин турибди.

"Бу ҳурматсизлик ва адолатсиз. Октябрда улар мажбурий ҳимоя бўйича 30 кунлик огоҳлантириш олишди. Промоутерлар ўртасида кимошди савдоси ҳам ўтказилди. Улар муддатни узайтиришни сўраш имкониятига эга эдилар, лекин бу биз абадий кутишга мажбурмиз дегани эмас. Шаҳрам Ғиёсов икки саралаш жангини ўтказди, мажбурий даъвогар номини аниқлаб берган жангни ютди. У чемпионлик жанги ўтказишга ҳақли. Биз бунга икки йил вақт ажратдик ва ўз ҳуқуқларимизни моддий товон пули тўлаш эвазига бериб қўйиш ниятимиз йўқ", - деди боксчимизнинг менежери Вадим Карнилов.