Роналдо ўзи билан ўйнаган энг ёмон футболчининг номини айтди

«Феномен» Бразилия терма жамоасининг яна бир собиқ футболчиси Ромарио билан суҳбатда биринчи марта фаолиятидаги энг яхши шерикларини ҳақида гапирди.

«Терма жамоадаги энг яхшилари Роналдиньо, Гаучо. Зидан эса клуб даражасидаги энг зўри эди. У бошқача эди, жуда техник, у ҳамма нарсани оддийгина бажарарди», — дейди икки карра «Олтин тўп» соҳиби.

Шундан сўнг, Роналдо ўзи билан ўйнаган энг ёмон футболчининг номини айтди. Икки карра жаҳон чемпионинг фикрича бу номга «Реал»даги собиқ шериги То́мас Гра́весенни сазовор.

«У ҳақиқатан ҳам ажойиб йигит, ҳақиқатан ҳам яхши инсон эди. Лекин у футболда жуда ёмон эди, қўпол ўйнарди ва оёқларга қаттиқ зарба берарди», — деган Роналдо.