Роналду "Golden Foot" мукофотига сазовор бўлди

Ушбу соврин футболчиларга спортда эришган жамоавий ва шахсий ютуқлари учун топширилади. Уни фақат бир марта ютиш мумкин. Ушбу мукофотнинг ўзига хослиги шундаки, ғолиблар ўз изларини Чемпионлар хиёбонида (Монако ҳудудида) қолдиришади.

"Ушбу совринни қўлга киритганимдан фахрланаман. Энди менинг ҳам номим Монакодаги чемпионлар тахтасида барча замонларнинг энг буюук футболчилари қаторига битилади ва абадийлаштирилади. Менга овоз берганларга чин дилдан миннатдорчилик билдираман", – деди Криштиану.

Маълумот учун, "Барселона" етакчиси Мессида бундай соврин йўқ. "Golden Foot" ўтган йили Лука Модричга насиб қилган эди.