03 июл 15:29
Янгиликлар

Футбол

Роналду клубнинг амбицияларидан мамнун эмас

Ҳужумчи Криштиану Роналдунинг "Манчестер Юнайтед"дан кетишга ундаётган жиҳат аниқ бўлди.

Журналист Фабрицио Романонинг ёзишича, Роналду агенти Жорже Мендешга янги жамоа излаш кераклигини айтган. Футболчининг ўзи клубнинг амбицияларидан, трансфер сиёсатидан мамнун эмас. АПЛнинг деярли барча клублари янги футболчиларни сотиб олаётган бир вақтда МЮ ҳали бирор трансферни амалга оширмади.

Ўз навбатида футболчининг мураббий Эрик тен Хаг билан муносабатлари аъло даражада. Аммо футболчи жамоанинг кучайтирилишини истамоқда. Якунланган мавсумда Роналду барча турнирларда 39 та ўйинда майдонга тушиб, 24 гол ва 3 ассист қайд этди.