15 мар 11:14
Янгиликлар

Футбол

Роналду расман Пеленинг рекордини янгилади. “Футбол қироли” эса уни табриклади

Италия чемпионати 27-турида “Ювентус” Криштиану Роналду хет-триги эвазига сафарда “Кальяри”ни таслим этди – 3:1.

Роналду бугун расмий ўйинлардаги голлари сонини 770 тага етказиб олиб, футбол тарихидаги энг яхши тўпурарга айланди. Аввалги рекорд эса бразилиялик афсона Пелега тегишли эди – қайта ҳисоб-китобларга кўра 767 та гол.

“Криштиану, ҳаёт – бу якка парвоздир. Ҳар кимнинг ўз саргузаштлари бор ва сеники эса нақадар ажойиб! Сендан завқ оламан, ўйинларингни кузатишни яхши кўраман, бу ҳеч кимга сир эмас.
Расмий ўйинларда гол уриш бўйича рекордимни янгилаганинг билан табриклайман. Мени хафа қилаётган ягона нарса шуки, бугун сени қучоқлай олмайман. Бироқ, ушбу фотосуратни узоқ йиллардан бери давом этиб келаётган дўстлигимиз рамзи сифатида сенга ҳурмат ила қолдираман”, дея пост қолдирган Instagram'даги саҳифасига Пеле.