Россия 11:0 ҳисоби билан тугаган ўртоқлик ўйини учун Брунейга қанча пул тўлади?

Бруней футбол федерацияси президенти Фейсал Юсоффнинг таъкидлашича, РФИ икки жамоа ўртасидаги ўртоқлик ўйини учун барча ҳаражатларни ўз бўйнига олган. "Йўлкира"га 100 минг доллардан ортиқ маблағ кетган.

"Йўл учун барча ҳаражатларга РФИ (Россия футбол иттифоқи) пул тўлади. Бу жуда катта маблағ, аммо аниқ сумманинг қанчалигини айта олмайман. Тахминан 100 минг доллардан кўпроқ.

Делегациямиз 40 кишидан иборат эди. Меҳмонхона, овқатланиш, трансферар. Бундан ташқари, бизнинг федерация Россияга қарши ўйин учун мукофот пули ҳам олган" - деди Юсофф.

Эслатиб ўтамиз, Россия - Бруней учрашуви 11:0 ҳисобида якунланганди.