Россия Токио-2020 Олимпиадасида қатнашмайдиган бўлди!

Россия 4 йил давомида йирик халқаро мусобақалар - Олимпия ўйинлари ва жаҳон чемпионатларида қатнашиш ҳуқуқидан маҳрум этилди.

WADA ижроия қўмитаси 20 сентябрда РУСАДАнинг ҳуқуқларини тиклади. Бунда WADA мутахассислари Москва антидопинг лабораториясининг маълумотларига 2018 йилнинг 31 декабрига қадар кириш ҳуқуқига эга бўлишар эди, аммо бу амалга ошмади. WADA 2019 йил 9 январда экспертлар гуруҳини такроран Москвага юборишга қарор қилди. 17 январь куни эса экспертлар лабораторияда ўз ишларини якунлашди. Тез орада РУСАДА Бутунжаҳон антидопинг кодексига мувофиқлик мақомини сақлаб қолганлиги маълум бўлди. 2019 йилнинг кузида тақдим этилган маълумотларда эса фирибгарлик аниқланди ва жанжал юзага келганди.

Ушбу қарор шунингдек 2022 йили Қатарда футбол бўйича ўтказиладиган жаҳон чемпионатига ҳам тегишли.