02 дек 12:46
Янгиликлар
Теннис
Россиядан маҳаллийлаштирилган Камилла Раҳимова Ўзбекистон номидан ўтказган илк ўйинида қийинчиликсиз ғалаба қозонди
Кеча Ўзбекистон теннис федерацияси профессионал теннисчи Камилла Раҳимова маҳаллийлаштирилгани ҳақида хабар берганди.
24 ёшли асли россиялик ракетка устаси Ўзбекистон сафига ўтганидан кейинги дастлабки ўйинида кортга чиқди.
У Франциянинг Анже шаҳрида бўлиб ўтаётган WTA 125 мусобақасида иштирок этмоқда. Раҳимова кеча мусобақанинг илк даврасида нейтрал мақомдаги спортчи Алина Корнеевага (WTA-216) қарши кортга чиқди. 1 соат, 5 дақиқа давом этган ўйинда Камилла 2:0 (6/1, 6/1) ҳисобида зафар қучди.
Теннисчимиз эртага нимчорак финал босқичи доирасида Польша вакиласи Линда Климовичова билан тўқнаш келади. Баҳс 14:00 дан сўнг бошланиши белгиланган.
Маълумот учун, Камилла Раҳимова айни дамда WTA рейтингида 112, 21 яшар Линда Климовичова эса 145-ўринни эгаллаб турибди.
Ҳавола :
Манба : olamsport.com
Фикрлар