Россиялик курашчиларни Олимпиадага қўймаслик талаб қилинмоқда

Украиналиклар ХОҚдан бир қатор Россия ва Беларусь курашчиларини Париж-2024 Олимпиадасидан четлатишни сўрамоқда. Ташкилотга йўлланган талабнома Украина олимпия қўмитаси расмий сайтига ҳам жойлаштирилди. Мактубга мамлакатнинг кўплаб спорт тизимлари раҳбарлари имзо чеккан. Унда аксарият Россия ва беларуслик курашчилар нейтраллик талабини бажармагани айтилмоқда. Қора рўйхатдагилар орасида Токио-2020 Олимпиадаси чемпиони Заурбек Сидаков ва олимпия ўйинларининг бронза медали совриндори Артур Найфонов ҳам бор.

"Гап Ванесса Каладинская, Заурбек Сидаков, Заур Угуев, Милад Алирзаев, Сергей Семёнов, Надежда Соколова, Алина Касабиева, Ханум Велиева, Наталья Малишева ва Артур Найфоновлар ҳақида кетмоқда", — дейилади ХОҚқа ёзилган талабномада.

Маълумот учун, Париж-2024 Олимпиадаси 26 июль - 11 август кунлари оралиғида бўлиб ўтади.