24 мар 12:45
Янгиликлар

Спорт курашлари

РОЗКда спорт курашлари бўйича "Олимпия чўққилари" мусобақаси бошланди + ФОТО

Бугун Республика олимпия захиралари коллежида эркин, юнон-рум ва аёллар кураши бўйича "Олимпия чўққилари" турнири старт олди.

Унда Қорақалпоғистон Республикаси, барча вилоятлар ҳамда Тошкент шаҳрида фаолият юритаётган жами 15 та олимпия захиралари коллежлари (Самарқанд вилоятида иккита коллеж) тарбияланувчилари иштирок этмоқда. Ушбу мусобақа имтиёзга эга бўлиб, ҳар бир вазн тоифаси ғолиблари Ўзбекистон давлат жисмоний тарбия ва спорт университетига йўлланма асосида кириш ҳуқуқини қўлга киритади.

Шу боисдан ҳам беллашувларнинг кутилганидан ҳам муросасиз кечиши кутилмоқда. Бугун юнон-рум курашчилар ўртасида ғолиб ва совриндорлар номи маълум бўлади. Эртага эркин курашчилар гиламга чиқса, 26 март куни аёллар кураши вакилаларига навбат берилади.

Айни дақиқаларда "Олимпия чўққилари" мусобақасининг тантанали очилиш маросими ўтказиляпти.