Рублёв Гонконгда чемпионлик унвонини ҳимоя қила олмади

Дунёнинг саккизинчи ракеткаси Андрей Рублёв иккинчи даврада ATP рейтигида 58-поғонада бораётган венгриялик Фабиан Марожанга имкониятни бой бериб қўйди - 5/7, 6/3, 3/6. Фабиан теннисчиларнинг ўзаро учрашувларидаги ҳисоб мувозанатини тиклаб қўйди - 1:1.  

Шу тариқа, Рублёв чемпионлик унвонини ҳимоя қила олмади. Россиялик теннисчи Bank of China Hong Kong Tennis Open турнирининг амалдаги чемпиони эди. Бунинг натижасида у душанба куни эълон қилинадиган рейтингда 10-ўринга пастлайди. Марожан фаолиятида олтинчи бор Топ-10`даги рақибни мағлуб этди. Энди у хитойлик Шан Цзюньчэнга қарши кортга чиқади. Чин юрти вакили ўз ўрнида испаниялик Педро Мартинесдан устун келди - 6/3, 6/1.