14 окт 13:19
Янгиликлар

Теннис

Рублёв Shanghai Masters 1/2 финалига чиқди

Хитойнинг Шанхай шаҳрида теннис бўйича "Мастерс" сериясига кирувчи турнир давом этган.

Дунёнинг еттинчи ракеткаси Андрей Рублёв мусобақанинг ярим финал иштирокчисига айланди. Россиялик теннисчи 91 дақиқа давом этган 1/4 финал учрашувида ATP рейтингида 34-поғонада бораётган франциялик Уго Умберни ортиқча қийинчиликсиз мағлубиятга учратди - 6/2, 6/3.

Теннисчиларнинг ўзаро учрашувларидаги ҳисоб ҳамон Рублёв фойдасига бўлиб турибди - 4:2. Иккала теннисчи ҳам 2 тадан эйс зарбасини амалга оширган. Брейклар 5 га 1 кўринишда Андрей фойдасига. Бугун бироздан сўнг россиялик теннисчи Rolex Shanghai Masters турнирининг финал чиптаси учун болгариялик Григор Димитровга қарши кортга чиқади.