Рустам Қосимжонов Жаҳон кубоги йўлланмасини қўлга киритди

Ҳозиргина мусобақанинг сўнгги тўққизинчи тур учрашувлари ўтказилди. Турнирда биринчи рақам остида сараланган Рустам Қосимжонов ушбу турда оқ доналарда қозоғистонлик Муртаз Кажгалеев билан дурангга имзо чекди. Яна бир партияда қозоғистонлик икки гроссмейстер - Ринат Жумабоев ва Пётр Костенко тўқнаш келди. Бу учрашувда ҳам дуранг натижа қайд этилди. 

Шу тариқа, 17-жаҳон чемпиони Рустам Қосимжонов ҳамда Ринат Жумабоев 6,5 тадан очко жамғариб, Жаҳон кубогига йўлланмани қўлга киритишди. Қўшимча коэфицентларга кўра Жумабоев саралаш турнири ғолибига айланди. Регламентга кўра, эркаклар ўртасидаги турнирда дастлабки икки ўрин эгасига йўлланма тақдим этиларди.     

Маълумот учун, Жаҳон кубоги шу йилнинг 9 сентябрь - 2 октябрь кунлари оралиғида Россиянинг Санкт-Петербург шаҳрида бўлиб ўтади.