"Saber" жамоаси Москвада клублар ўртасидаги нуфузли мусобақада иштирок этади

Энди эса навбат "Saber" эркаклар жамоасига етиб келди. Дзюдочиларимиз эртага, 31 август куни Россия Федерацияси пойтахти Москва шаҳрида ўтказиладиган Қитъалараро дзюдо лигаси турнирида юртимиз шарафини ҳимоя қилишади.    

"Триумф" аренада ўтадиган мусобақада жами 13 та клуб қатнашади. Россия клубларидан ташқари Қозоғистоннинг "Jenys", Беларуснинг "Стайки", Венесуэланинг "Club Deportivo Jigoro Kano", Ҳиндистоннинг "Bombay Judo Club" ҳамда Ўзбекистоннинг "Saber" жамоалари совринли ўринлар учун кураш олиб боради.     

Қуръа натижасига кўра, "Saber" клуби "С" гуруҳида Москванинг МГФСО, Қозоғистоннинг "Jenys" ҳамда Ҳиндистоннинг "Bombay Judo Club" жамоаларига қарши татамига чиқади.   

"Saber" жамоамиз таркибидан жой олган дзюдочиларимиз: Муҳриддин Тиловов (-66 кг), Азиз Ортиқов (-66 кг), Ҳожиакбар Тошев (-73 кг), Нодир Мавлонбердиев (-81 кг), Азиз Авазмуродов (-90 кг), Жавоҳир Муродиллаев (+90 кг)