07 ноя 16:16
Янгиликлар

Теннис

Сабина Шарипова Таиландда жуфтликдаги иштирокини ҳам якунлади

Таиланднинг Хуа Хин шаҳрида теннис бўйича "Фьючерс" туркумига кирувчи турнир давом этмоқда.

Соврин жамғармаси 25 000 АҚШ долларни ташкил этувчи ушбу мусобақада ҳамюртимиз Сабина Шарипова ҳам иштирок этаётганди. Кеча яккаликнинг илк босқичидаёқ мағлубиятга учраган вакиламиз бундан бир неча дақиқа аввал жуфтлик баҳсларининг чорак финалида кортга чиқди.

Таиландлик Нуднида Луангнам билан тандем ҳосил қилган мамлакатимизнинг биринчи ракеткаси ярим финал чиптаси учун кечган учрашувда голландиялик Леслей Паттинама Керкхове ҳамда яна бир тажрибали мезбон теннисчи Тамарин Танасугарн жуфтлигига 6:7(3), 4:6 ҳисобида имкониятни бой бериб қўйди.