18 янв 12:23
Янгиликлар

Теннис

Сабина Сингапурда чорак финал баҳсини ўтказди

Мамлакатимизнинг биринчи рақамли теннисчиси Сабина Шарипова Сингапурдаги турнирда ўз имкониятини синовдан ўтказяпти.

Ушбу мусобақанинг соврин жамғармаси 25 000 АҚШ долларини ташкил этади. Ҳамюртимиз Сингапур турнирининг иккинчи ракеткаси сифатида сараланган бўлиб, бундан бир неча дақиқа аввал чорак финал учрашувини ўтказди.

Эътиборлиси, Шарипова ўзининг жуфтликдаги шериги ҳиндистонлик Анкита Райнага қарши кортга чиқди. Биринчи сет 7:5 ҳисобида ҳинд теннисчиси фойдасига ҳал бўлди. Иккинчи сетнинг иккинчи геймидан кейин эса Сабина жароҳати сабаб баҳсни давом эттира олмаслиги маълум қилди. Бу пайтга келиб Анкина 2:0 ҳисобида олдинга чиқиб олганди.