«Сабоқ олдим». Ян Блахович Анкалаевга қарши жангни қабул қилмаганидан афсусда

«Жангим билан боғлиқ вазият ва барча ўзгаришларга аниқлик киритмоқчиман. Ҳаммаси қуйидагича бўлган. Менга қўнғироқ қилиб, Анкалаевга қарши жангни бир ҳафта олдинроқ ўтказишни таклиф қилишди. Ўша пайтда бир ҳафта ичида вазн ташлашга улгуришимга ишончим комил эмасди. Шунинг учун: "Ҳа, лекин фақат оралиқ вазнда", деб жавоб бердим. Анкалаев эса оралиқ вазнда жанг қилишни рад этди.

Шундан сўнг машғулотга кетдим. Тахминан уч соатдан кейин мураббийларим билан маслаҳатлашиб, барибир бир ҳафта ичида вазн ташлашга улгуришимиз мумкин, деган қарорга келдик.

Дарҳол UFC билан боғландик. Аммо шу вақт ичида ташкилот алоҳида Богдан Гусковга мурожаат қилиб улгурган экан. У эса дарҳол розилик бериб, шартномани имзолаб бўлганди. Шу боис бу ҳолат мулоқотдаги тушунмовчилик сабаб юзага келди.

Мен ҳамон Сербияда ўтадиган жангимни интиқлик билан кутяпман. Сабоқ олдим. Баъзида қарорни дарҳол қабул қилиш керак экан, ортиқча ўйлаб вақтни бой бермаслик лозим. Энди нима бўлган бўлса, шу», — деб ёзди Блахович ўзининг X ижтимоий тармоғидаги саҳифасида.