09 ноя 07:56
Янгиликлар

Теннис

Саидаъло жуфтликлар учрашувида кортга чиқди

Қувайтнинг Мешреф шаҳрида теннис бўйича “Фьючерс” туркумига кирувчи турнир бўлиб ўтмоқда.

Соврин жамғармаси 15 000 АҚШ долларини ташкил қилувчи мусобақада Жўрабек Каримов ва Саидаъло Саидкаримов ҳам иштирок этаётганди. Ҳар икки теннисчимиз ҳам яккалик баҳсларининг биринчи даврасидаёқ мағлубиятга учрашди.

Кеча Саидаъло жуфтлик мусобақасида ҳам ўз имкониятини синовдан ўтказди. Япониялик Нару Ширафужи билан тандем ҳосил қилган ҳамюртимиз австриялик теннисчилардан ташкил топган турнирнинг биринчи рақамли жуфтлиги - Максимилян Ньюкрист ва Дэвид Пичлерга 2:6, 5:7 ҳисобида ютқазди.