Саиджамшид Жафаров барибир Қозоғистонда жанг қиладиган бўлди. Унинг янги рақиби тасдиқланди

Турнирнинг марказий жанги ҳамюртимиз Саиджамшид Жафаров ҳамда қозоғистонлик Олимпиада чемпиони Данияр Елеуссинов ўртасида кечиши лозим эди. Аммо Елеуссинов жангга яқин жароҳат олди ва турнирда иштирок эта олмайдиган бўлди.

Маълум бўлишича, Саиджамшидга эндиликда бошқа бир қозоқ боксчиси - Талгат Шайкен рақиблик қилади. У 2020-2022 йиллар давомида проф боксда 9 та жанг ўтказиб, уларнинг барчасида ғалаба қозонган ва WBC Junior камарини қўлга киритган.

Турнир карди билан танишинг:

Марказий жанг, ўрта вазнда: Саиджамшид Жафаров - Талгат Шайкен (Қозоғистон)

Биринчи оғир вазнда: Бекзад Нурдаулетов (Қозоғистон) - Луис Антонио Техеда (Доминикан)

Иккинчи ўрта вазнда: Али Ахмедов (Қозоғистон) - Карлос Риверо (Венесуэла)

Ўрта вазнда: Абель Мина (Эквадор) - Магомед Мадиев (Россия) 

Биринчи ўрта вазнда: Фарух Тохтасунов (Қозоғистон) - Юрий Осипов (Россия)

Супер оғир вазнда: Сағиндик Тоғамбай (Қозоғистон) - Давлат Болтаев (Туркманистон)

Енгил вазнда: Бекман Сойлибаев (Қирғизистон) - Хархуу Энх-Амар (Мўғулистон) 

Минимал вазнда: Темиртас Жусупов (Қозоғистон) - Анвар Хожиев (Кирғизистон)

Ярим оғир вазнда: Адлан Селмурзаев (Қозоғистон) - Артуш Оганнисян (Арманистон).