27 янв 08:29
Янгиликлар
Бокс/ММА
Саидёқуб Қаҳрамонов АҚШда навбатдаги жангини ўтказди
АҚШнинг Майами шаҳрида жанговар каратэ бўйича Karate Combat 44 мусобақаси ўтказилмоқда.
Мусобақанинг иккинчи асосий жангида (co main event) ҳамюртимиз, UFC собиқ жангчиси Саидёқуб Қаҳрамонов иштирок этди.
Қаҳрамоновга америкалик Петер Кабалльеро (14-6-0) рақиблик қилди.
3 раундлик жанг тўлиқ давом этди ва унда жангни тўлиқ назорат қилиб, устунликка эришган Саидёқуб Қаҳрамонов ҳакамларнинг якдил қарори билан ғалаба қозонди.
Бу Саидёқуб учун Karate Combat лигасидаги иккинчи жангида қўлга киритилган иккинчи ғалаба бўлди.
Эслатиб ўтамиз, Саидёқуб Қаҳрамонов 2021-2022 йиллар давомида UFC'да учта жанг ўтказган ва 2 та ғалаба, 1 та мағлубият қайд этган.
Ҳавола :
Манба : olamsport.com
Фикрлар