15 авг 12:47
Янгиликлар

Бокс/ММА

Саидёқуб Қаҳрамонов UFC'да жароҳат олган Коди Гарбрандтнинг ўрнини эгаллашга тайёрлигини билдирди, аммо...

20 август куни АҚШнинг Бостон шаҳрида UFC 292 турнири бўлиб ўтади.

Мазкур мусобақа доирасида энг енгил вазнда америкалик Марио Баутиста (12-2-0) ҳамюрти Коди Гарбрандтга қарши октагонга кўтарилиши керак эди, бироқ Коди жароҳат сабаб бу жангда иштирок эта олмаслиги маълум бўлди.

Айни пайтда АҚШда бўлиб турган ўзбекистонлик UFC собиқ жангчиси Саидёқуб Қаҳрамонов эса бу вазиятда Кодининг ўрнини тўлдиришга тайёр эканини билдиридиб, UFC'га бир неча бор мурожаат қилди. Аммо Коди Гарбрандтнинг ўрнини америкалик бошқа бир жангчи - Дэмон Блэкшир (14-5-1) эгаллади.

Қизиғи, Блэкшир 12 август куни UFC'да Жос Жонсон билан жанг қилиб, ғалаба қозонган эди.

Эслатиб ўтамиз, Саидёқуб Қаҳрамонов UFC'да 3 та жанг ўтказиб, 2 та ғалаба ва 1 та мағлубият қайд этган.