21 окт 08:12
Янгиликлар
Бокс/ММА
Саидёқуб Қаҳрамонов ва Холмурод Нурматов иштирок этадиган Дубайдаги ACA 194 турнири чипталари қанчадан сотилаётгани маълум бўлди
Бирлашган Араб Амирликларининг Дубай шаҳри 23 октябрь куни ММА бўйича ACA 194 турнирига мезбонлик қилади.
Оқшомнинг марказий жанги эронлик оғир вазнли Амир Алиакбари (15-4) ҳамда америкалик Тони Жонсон (18-9-1) ўртасида кечади.
Биз учун аҳамиятлиси, мусобақа доирасида икки ҳамюртимиз — Саидёқуб Қаҳрамонов (12-3) ҳамда Холмурод Нурматов (15-8-1) ҳам октагонга кўтарилади.
Собиқ UFC жангчиси ҳисобланган Қаҳрамонов ACA 194 турнирида покистонлик Рафиқ Африди (10-2) билан тўқнаш келса, Нурматов россиялик тажрибали Умалат Исраилов (17-5)га қарши баҳс олиб боради.
Маълум бўлишича, ҳозирга келиб, турнир учун чипталар 70,84 АҚШ долларидан бошлаб, 453,41 долларгача бўлган нархларда сотилмоқда. Октагонга яқин жойлар учун чипталар эса аллақачон тугагани айтилмоқда.
Ҳавола :
Манба : mma.metaratings.ru
Фикрлар