06 сен 12:19
Янгиликлар

Футбол

Сака — Англия терма жамоасининг йил футболчиси!

Букайо Сака Англияда йилнинг энг яхши футболчиси деб топилди.

Мухлислар миллий терма жамоанинг энг яхши футболчиси сифатида "Арсенал" вингерини танлашди.

22 ёшли Букайо Жуд Беллингем (ўтган мавсумда "Боруссия Д"да ўйнаган, ҳозир "Реал" аъзоси) ва Ҳарри Кейнни (ўтган мавсумда "Тоттенхэм"да ўйнаган, ҳозир "Бавария" аъзоси) ортда қолдирди.

Йил давомида Сака Англия терма жамоаси сафида 10 та ўйинда 7 та гол урди. 2022 йилги жаҳон чемпионатида у инглизларнинг 5 та ўйинидан 4 тасида майдонга тушди, Эрон (6:2) билан баҳсда учрашувнинг энг яхши ўйинчиси деб топилди.