Сакен Полатов ва Азиз Комилов - МОҚнинг янги вице-президенти!

Кун тартибидан ўрин олган асосий масала ташкилотга янги вице-президентлар сайлашдан иборат эди. Йиғилишда жами 32 делегатлар 30 нафари қатнашди. Шу кунгача вице-президент сифатида фаолият юритган Аҳмаджон Раҳимов ва Комил Рўзиев ўз хоҳишига кўра лавозимини тарк этди. 

МОҚ раҳбари Рустам Шоабдураҳмонов уларнинг ўрнига Ўзбекистон дзюдо федерацияси раиси Азизжон Камилов ҳамда Ўзбекистон бокс федерацияси раисиниинг биринчи ўринбосари Сакен Полатов номзодини илгари сурди. Кўрсатилган номзодлар бир овоздан қўллаб-қувватланди. 

Шу тариқа, Азиз Камилов ва Сакен Полатов Ўзбекистон Миллий олимпия қўмитасининг вице-президенти сифатида фаолият олиб борадиган бўлди.

Йиғилишда Ўзбекистон Республикаси Бош вазири ўринбосари Азиз Абдуҳакимов, Ўзбекистон Республикаси Жисмоний тарбия ва спорт вазири Дилмурод Набиев, МОҚ ижроқўм аъзолари ҳамда ОАВ ходимлари иштирок этди.