13 май 10:26
Янгиликлар

Теннис

Самарқандда “Челленжер” турнирининг асосий тўри бошланди

Бугун Самарқанд шаҳрида теннис бўйича “Челленжер” туркумига кирувчи турнирнинг асосий тўр баҳслари сарт олди.

Соврин жамғармаси 54 160 АҚШ долларини ташкил қилувчи мусобақада ўз вақтида дунёнинг ТОП-100 теннисчилари қаторида бўлган ракетка усталари иштирок этяпти.

Улар орасида беларуслик Егор Герасимов, россиялик Таймураз Габашвили, словакиялик Андрей Мартин, қозоғистонлик Андрей Голубев сингари теннисчилар бор. “Челленжер” турнири ғолиби 7 200 доллар мукофот пули ҳамда 80 ATP рейтинг очкосига эга бўлади.

Ҳамюртларимиздан асосий тўр баҳсларида Санжар Файзиев, Ҳумоюн Султонов, Темур Исмоилов ва Сергей Фомин ўз имкониятини синовдан ўтказади.