02 апр 11:25
Янгиликлар

Бошқалар

Самарқандда ўқувчи-ёшлар ўртасида бадминтон мусобақалари старт олмоқда

Бугун, 2 апрель куни бадминтон спорт тури бўйича «Баркамол авлод-2022» спорт ўйинларининг Республика финал босқичига старт берилади.

Самарқанд вилояти мезбонлик қиладиган ушбу мусобақада академик лицей ва профессионал таълим муассасалари ўқувчи-ёшлари бадминтон бўйича энг кучли эканликларини исботлаш учун ўзаро курашга киришади.

Айни пайтда мамлакатимизнинг 14 та ҳудудидан ҳудудий босқичларда ўзини кўрсатиб, республика босқичига йўл олган спортчилар Самарқанд шаҳрида жам бўлишди.

Эртадан 114 нафар спортчи ёшлар ўғил болалар ва қизлар тоифасида мусобақаларда ўз иштирокини бошлашади. Турнир якунида ғолиб ва совриндорлар ташкилотчилар томонидан қимматбаҳо совғалар билан тақдирланади.