Самарқандда триатлон бўйича "Challange Samarkand" халқаро мусобақаси бўлиб ўтади + ФОТО

"Challange Samarkand" - бу "Challange Family" халқаро бренди таркибига кирган триатлон бўйича пойга. 

"Challange Family" - жаҳоннинг машҳур спорт мусобақаларидан бири, улар бутун дунёнинг 30та мамлакатида бўлиб ўтади. Ҳар йили "Challange Family"да 50 мингдан зиёд иштирокчи қатнашади. 

"Challange Samarkand"нинг сузиш босқичи Республика эшкак эшиш каналида бўлиб ўтади. Велобосқич иккита айланадан иборат бўлади. У "Самарқанд Ипак йўли" туристик комплексида бошланади ва эски шаҳаргача давом этади. Спортчилар Амир Темур ҳайкали, Регистон ансамбли, Биби Ҳоним мақбараси ва тарихий Афросиёб бозорини кесиб ўтишади. 

Югуриш босқичи эса замонавий Silk Road Samarkand туристик комплексида бўлиб ўтади. 

"Challange Samarkand"да исталган инсон иштирок этиши мумкин: Профессионал триатлетлар, ҳавасон триатлетлар, аёллар, болалар ва тайёргарликка эга исталган одам. 

Sprint (Триатлон спринт) - 750 м (сузиш), велопойга (20 км), югуриш (5 км) - 16 ёшдан катталар учун

Sprint Relay (Жамоавий спринт) - 750 м (сузиш), велопойга (20 км), югуриш (5 км) - 16 ёшдан катталар учун

Middle distance (Ўрта масофа) - 1.9 км (сузиш), велопойга (86 км), югуриш (21.5 км) - 18 ёшдан катталар учун

Middle distance Relay (Жамоавий ўрта масофа) - 1.9 км (сузиш), велопойга (86 км), югуриш (21.5 км) - 18 ёшдан катталар учун

Women's run (Аёллар учун) - югуриш (5 км) - 18 ёшдан катталар учун

Kids run (Болалар учун) - югуриш (200 м - 4-5 ёш), (400 м - 6-8 ёш), (600 м - 9-11 ёш)

Тадбирда 1700 атлетлар қатнашиши кутилмоқда, унинг каттагина қисми хориждан келади. Рўйхатдан ўтиш онлайн тарзда сайтда амалга оширилади ва 17 январдан 2023 йил август ойигача давом этади.