UZ

Сўнгги янгиликлар

11:55UFC ниҳоят жангчилар учун узоқ кутилган янгиликни эълон қилди + ФОТО 0 11:34Хави: "Ҳеч нима ўзгармаганини ҳар тур такрорлашдан чарчадим" 0 11:13Новак Жокович Монте-Карло "Мастерс" 1/2 финалида 0 10:52Конорнинг спарринг шериги Баҳромжон Рўзиевнинг навбатдаги жанги санаси ва манзили маълум 0 10:31Нигина Абдураимова жуфтлик турнири финал остонасида мағлуб этилди 0 10:10"Ливерпуль" дарвозасига иккита гол урган футболчи Европа лигасида энг яхши бўлди 0 09:49MPL 9 турнирига бокс афсонаси ташриф буюради + ФОТО 0 09:28Бугун Осиё чемпионатида аёллар кураши беллашувлари бошланади 0 09:07Осиё очиқ Кубогининг иккинчи кун ғолиб ва совриндорлари маълум (ўсмирлар) + ФОТОГАЛЕРЕЯ 0 08:46Неймар Суперкубокни қўлга киритгач: "Мактабда ҳам меҳнатни бошқалар қиларди, мен эса шунчаки баҳо олгани борардим" 0 08:25Осиё чемпионатини олтин медалсиз якунлаган эркин курашчиларимиз умумжамоа ҳисобида нечанчи бўлишди? 0 08:04Осиё очиқ Кубогининг иккинчи кунги ғолиб ва совриндорлари (қизлар) + ФОТОГАЛЕРЕЯ 0 07:43"Ҳумо Арена"да хоккей бўйича Ўзбекистон ўсмирлар терма жамоасининг тақдимот маросими ўтказилди + ФОТО 0 07:22ЕЧЛ. УЕФА томонидан ҳафтанинг энг яхши голи эълон қилинди 0 07:01Расман. UFC Абу-Дабидаги рақамли турнирни эълон қилди + ПОСТЕР 0

25 июн 16:06
Янгиликлар

Футбол

Самарқандлик спортчилар оиласи

Мамлакатимизда жисмоний тарбия ва спортни ривожлантириш, аҳоли, айниқса ёш авлод ўртасида оммалаштириш ва кенг тарғиб қилиш борасида самарали ишлар амалга ошириб келинмоқда.

Спорт билан мунтазам шуғулланиш отадан фарзандлари ва набираларига ўтаётгани, мамлакатимизда кўплаб спортчилар оилаларининг вужудга келишида муҳим омил бўлаётгани эътиборга молик. Бу борада самарқандлик Ҳакимовлар оиласини эътироф этиш мумкин.

Спортга қизиқиш уни Самарқанд жисмоний тарбия техникумига етаклади. Бу масканда таҳсил олиш баробарида Салом Ҳакимов спортнинг гимнастика тури билан мунтазам шуғулланди. Техникумни имтиёзли диплом билан тамомлагач, Ўзбекистон давлат жисмоний тарбия институтига ўқишга кирди. Кўплаб мусобақаларда қатнашиб, маҳоратини оширди. 

1981 йили С.Ҳакимов иш фаолиятини Самарқанд давлат архитектура ва қурилиш институтида ўқитувчиликдан бошлади. Сўнгра катта ўқитувчи лавозимида ишлади. 

1994 йили Салом акани ўзи таълим олган техникумга ишга таклиф қилишди. Бу ерда катта ўқитувчи, гимнастика ва уни ўқитиш кафедраси мудири лавозимларида меҳнат қилди. Жисмоний тарбия ва спорт соҳаси учун кўплаб малакали мутахассисларни тайёрлашга муносиб ҳисса қўшди.

Ҳакимовлар оиласини спортчилар оиласи дейиш мумкин. Қизи умумтаълим мактабида бошланғич синфларга дарс беради. Учта  ўғли СамДУнинг жисмоний маданият факультетини тамомлаган. Катта ўғли  Рустам спорт мактабида футбол бўйича мураббий, ўртанчаси  Акмал Самарқанд вилояти ўйин турлари ва енгил атлетикага ихтисослаштирилган БЎСМда мураббий, кенжаси Аброр Самарқанд шаҳридаги 51-умумтаълим мактабида жисмоний тарбия фанидан дарс бериб келаётир. 

Набиралари ҳам бобосининг изидан бориб, спорт турлари билан шуғулланишни бошлашган.

Салом Ҳакимов ўқитувчилик билан бирга Республика “Sport” газетасининг Самарқанд вилояти мухбири сифатида фаолият юритганини алоҳида таъкидлаш жоиз. Газетада  жисмоний тарбия ва спортга оид вилоят янгиликлари, хабарлар ва таҳлилий мақолалари   мунтазам равишда чоп этилмоқда. Бундан ташқари вилоятда чиқадиган ”Zarafshon”,  “Овози Самарқанд”, “Samarqand” газеталарида ҳам кўплаб мақолалари билан муштарийлар эътиборини тортган.

С.Ҳакимов 2020 йилнинг январь ойидан Жисмоний тарбия ва спорт бўйича мутахассисларни қайта тайёрлаш ва малакасини ошириш институти Самарқанд филиалининг “Жисмоний тарбия методикаси” кафедраси ўқитувчиси лавозимида ишлаб келаяпти. Тингловчиларга чуқур билим беришга ҳаракат қилиб келаётир. Ўқув қўлланма, услубий қўлланма ва кўплаб илмий-услубий мақолалар чиқарди. Фаоллиги ва самарали меҳнати эътиборга олиниб, С.Ҳакимов  2020 йили Ўзбекистон Республикаси Жисмоний тарбия ва спорт вазирлигининг “Жисмоний тарбия ва спорт аълочиси” кўкрак нишони билан тақдирланди. 

Салом акани 63 ёшга тўлгани ҳамда 27 июнь – матубот ва оммавий ахборот воситалари ходимлари куни билан муборакбод этамиз ва машаққатли, лекин шарафли касбида зафарлар тилаб қоламиз.


Маълумот учун:
Салом Каримович Ҳакимов 1958 йил 25 июнда Самарқанд вилоятининг Пайариқ туманида туғилган.
 


У.Қосимов
Жисмоний тарбия ва спорт бўйича мутахассисларни қайта тайёрлаш ва малакасини ошириш институти
Самарқанд филиали “Спорт фанлари” кафедраси доценти

Рейтинг: +1   

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг