Самира ўғил болалар билан тенгма-тенг хоккей ўйнамоқда ФОТОРЕПОРТАЖ

Шулардан бири “Тошкент” хоккей клуби. Клуб тўла шаклланиб, иш бошлаганига бир йил бўлди. Жамоа ҳали бирон турнирда иштирок этмаган бўлсада, гуруҳларидаги 40 нафар болалар ҳафтасига 4 маротаба мароқ билан машғулотларга қатнайди.

“Анхор-Локомотив” паркидаги муз саройида шуғулланаётган болалар орасида 9 ёшли Самира Михайликова  ҳам бор. У ўғил болалар билан тенгма-тенг тер тўкмоқда.

Мураббий Сарвар Асқархўжаевнинг айтишига қараганда, болаларда хоккейга бўлган иштиёқ кучли.

Жамоа асосан, 8-13 ёшлилардан иборат. Яқин орада улар ўртасида мусобақалар ташкил этилиши кўзда тутилган.

Ўшанда “Тошкент” клубининг ёш хоккейчилари нималарга қодир эканликларини намоён эта олишса, ажаб эмас.

Албатта, Самира ҳам тенгдошларидан ортда қолмайди. Бунга ишонамиз.

Ҳозирча эса машғулотлар давом эттирилмоқда.

Суратлар муаллифи - Алимурод МАМАДАМИНОВ, ўз мухбиримиз