10 ноя 15:23
Янгиликлар
Теннис
Санжар Файзиев Мишреф турнирида ярим финалга чиқди
Қувайтнинг Мишреф шаҳрида соврин жамғармаси 10 минг АҚШ долларидан иборат бўлган турнирнинг асосий тўр баҳслари давом этмоқда.
Ушбу “Фьючерс” туркумига кирувчи мусобақада терма жамоамиз аъзоси Санжар Файзиев ҳам ўз маҳоратини намойиш этяпти. Ҳамюртимиз турнирнинг учинчи ракеткаси сифатида ҳаракат қилмоқда.
Бугун Файзиев чорак финал учрашувида турнирнинг олтинчи ракеткаси франциялик Ронан Жонкурга қарши кортга чиқди. Бир соату 15 дақиқа давом этган баҳсда теннисчимиз 6:4, 6:2 ҳисобида ғалаба қозонди.
Энди у финал чиптаси учун Давид Пересга қарши баҳс олиб боради. Испаниялик бу теннисчи турнирнинг биринчи ракеткаси ҳисобланади. У бугун олтинчи ракетка, япониялик Хироясу Эхарадан устун келди.
Ҳавола :
Манба : olamsport.com
Фикрлар