24 авг 17:16
Янгиликлар

Теннис

Санжар Файзиев Москва турнири финалида ўйнайди

Россия Федерацияси пойтахти Москва шаҳрида ўтказилаётган теннис бўйича “Фьючерс” туркумига кирувчи турнир ўзининг ҳал қилувчи палласига кирди.

Соврин жамғармаси 15 000 АҚШ долларини ташкил қилувчи мусобақада ўз маҳоратини намойиш этаётган Санжар Файзиев яккалик баҳсларининг ҳал қилувчи финал учрашувига йўл олди.

Мусобақада иккинчи рақам остида таснифланган Файзиев ярим финал учрашувида эстониялик Кенетт Раисмани 7:5, 6:1 ҳисобида таслим этди. Энди у бош мукофот учун баҳсда турнирнинг тўртинчи ракеткаси, россиялик Александр Журбинга қарши кортга чиқади.