04 авг 09:37
Янгиликлар

Теннис

Санжар Файзиев Нонтабури турнири финалида кортга чиқди

Бир ҳафта давомида Таиланднинг Нонтабури шаҳрида ўтказилган “Фьючерс” туркумига кирувчи турнир якунланди.

Соврин жамғармаси 25 000 АҚШ долларини ташкил қилувчи мусобақада иштирок этган ҳамюртимиз Санжар Файзиев ҳам яккалик, ҳам жуфтликда финалга қадар етиб келди.

Афсуски, ҳозиргина якунига етган яккаликнинг ҳал қилувчи финал баҳсида у рақибига осон мағлуб бўлди. Турнирда иккинчи рақам остида ҳаракат қилган Файзиев 1 соату 13 дақиқа давом этган учрашувда мусобақанинг биринчи ракеткаси Рента Токудога 3:6, 3:6 ҳисобида имкониятни бой берди.