02 авг 10:12
Янгиликлар

Теннис

Санжар Файзиев Нонтабури турнирида 1/2 финалга чиқди

Таиланднинг Нонтабури шаҳрида “Фьючерс” туркумига кирувчи турнир бўлиб ўтмоқда.

Соврин жамғармаси 25 000 АҚШ долларини ташкил қилувчи мусобақада икки теннисчимиз юртимиз шарафини ҳимоя қиляпти. Улардан Санжар Файзиев ҳозиргина якунига етган чорак финал учрашувида ғалаба қозониб, ярим финалга йўл олди.

Турнирнинг иккинчи ракеткаси бўлган Файзиев мусобақада бешинчи рақам остида ҳаракат қилган япониялик Рио Ногучига қарши кортга чиқди ва 1 соату 19 дақиқа давом этган баҳс якунида рақибини 6:4, 6:3 ҳисобида мағлуб этди. Унинг финал остонасидаги рақиби Хитой Тайпейи вакили Ю Хсу бўлади.