05 ноя 21:25
Янгиликлар
Теннис
Санжар Файзиев Қувайт турнири вице-чемпионига айланди
Қувайтнинг Мишреф шаҳрида мукофот жамғармаси 10 минг АҚШ долларидан иборат бўлган турнир якунланди.
Ушбу “Фьючерс” туркумига кирувчи мусобақанинг яккалик баҳсларида терма жамоамиз аъзоси Санжар Файзиев муваффақиятли иштирок этди.
Бугун турнирнинг биринчи ракеткаси сифатида ҳаракат қилган Файзиев ҳал қилувчи финал учрашувида кортга чиқди. Турнирнинг иккинчи ракеткаси, австриялик Максимилиян Неускритга қарши кечган баҳсда ҳамюртимизга омад келиб боқмади.
Бир соату 26 дақиқа давом этган баҳсда австриялик ракетка устаси 6:3, 6:4 ҳисобида зафар қучиб, бош мукофтни қўлга киритди. Файзиев эса вице-чемпионга айланди.
Таққослаш учун, Санжар Файзиев дунё рейтингида 446, Максимилиян Неускрит эса 484-ўринни эгаллаб турибди.
Ҳавола :
Манба : olamsport.com
Фикрлар