04 ноя 15:25
Янгиликлар
Теннис
Санжар Файзиев Қувайт турнирида финалга чиқди
Қувайтнинг Мишреф шаҳрида мукофот жамғармаси 10 минг АҚШ долларидан иборат бўлган турнирнинг асосий тўр баҳслари давом этмоқда.
Ушбу “Фьючерс” туркумига кирувчи мусобақанинг яккалик баҳсларида терма жамоамиз аъзоси Санжар Файзиев муваффақиятли одимламоқда.
Турнирнинг биринчи ракеткаси сифатида ҳаракат қилаётган Файзиев бугун Ярим финалда Файзиев германиялик Даниэль Алтмайерга қарши баҳс олиб борди. Турнирнинг учинчи ракеткаси бўлган Алтмайер чорак финалда олтинчи рақам остида ҳаракат қилган япониялик Хироясу Охарани 7:6(3), 6:2 ҳисобида мағлуб этганди.
Файзиев ва Алтмайер ўртасидаги баҳс ҳам уч сет давом этди. Биринчи сетни 2:6 ҳисобида рақибига бой берган теннисчимиз кейинги сетларда 6:4, 6:3 ҳисобида зафар қучди. Унинг финалдаги рақиби турнирнинг иккинчи ракеткаси, австриялик Максимилиян Неускрит бўлади.
Ҳавола :
Манба : olamsport.com
Фикрлар