03 ноя 15:30
Янгиликлар
Теннис
Санжар Файзиев Қувайт турнирида ярим финалга чиқди
Қувайтнинг Мишреф шаҳрида мукофот жамғармаси 10 минг АҚШ долларидан иборат бўлган турнирнинг асосий тўр баҳслари давом этмоқда.
Ушбу “Фьючерс” туркумига кирувчи мусобақанинг яккалик баҳсларида терма жамоамиз аъзоси Санжар Файзиев муваффақиятли одимламоқда.
Турнирнинг биринчи ракеткаси сифатида ҳаракат қилаётган Файзиев бугун чорак финалда туркманистонлик рақиби Иса Мамметгулиевни мағлубиятга учратди. Гарчи Санжар биринчи сетни 5:7 ҳисобида бой берган бўлсада, кейинги икки сетда 6:4, 6:0 ҳисобида зафар қучди.
Энди Файзиев ярим финал учрашувида германиялик Даниэль Алтмайерга қарши баҳс олиб боради. Турнирнинг учинчи ракеткаси бўлган Алтмайер бугун чорак финалда олтинчи рақам остида ҳаракат қилган япониялик Хироясу Охарани 7:6(3), 6:2 ҳисобида мағлуб этди.
Ҳавола :
Манба : olamsport.com
Фикрлар