Санжар Файзиев ва яна икки теннисчимизнинг Қозоғистондаги юриши тўхтади

Бугун 3 нафар теннисчимиз мусобақа доирасидаги 1/8 финал учрашувида кортга чиқди. 

Даставвал Жўрабек Каримов швейцариялик Дамен Венгерга қарши ўйин ўтказди. 1 соату 53 дақиқа давом этган учрашувда афсуски, Каримов рақибига 6/7, 1/6 ҳисобида имкониятни бой бериб қўйди ва мусобақани тарк этди.

Бироз аввал эса яна бир теннисчимиз Санжар Файзиев италиялик Антонио Кампога қарши кортга чиқди. 1 соату 26 дақиқа давом этган ўйин италиялик теннисчининг 6/4, 6/1 ҳисобидаги ғалабаси билан якунига етди. Файзиев ҳам Жўрабек сингари шу ерда юришини тўхтатди.

Турнирда иштирок этаётган яна бир ҳамюртимиз Санетулла Катибаев эса украиналик теннисчи Эрик Ваншелбоим билан ўтган 54 дақиқа давом этган учрашувда фақатгина 1 маротаба сетни ютиб олди ва 0/6, 1/6 ҳисобида мағлубиятга учради.