18 авг 10:52
Янгиликлар

Бокс/ММА

Санжар Турсуновни табриклаймиз!

Бугун бокс бўйича Ўзбекистон терма жамоаси аъзоси Санжар Турсунов ўз таваллуд айёмини нишонламоқда.

Маълумот учун, Турсунов 1998 йилнинг 18 августида Сурхондарё вилоятида туғилган.

19 ёшида Гамбургда ўтказилган катталар ўртасидаги жаҳон чемпионатида ярим финалгача етиб бориб, бронза медали соҳибига айланган. 2019 йили Бангкокдаги Осиё чемпионатида кумуш медалга эга чиққан. Шу йил март ойида Амман шаҳрида ташкил этилган лицензион турнирда муваффақиятли иштирок этиб, Токио Олимпиадаси лицензиясини қўлга киритган.

Иқтидорли боксчимизни бугунги шукурона куни билан муборакбод этамиз. Унга фаолияти давомида муваффақиятлар, соғлик-саломатлик ва чиройли умр тилаб қоламиз.