07 май 13:33
Янгиликлар
Гимнастика
Сардобадан Янгиерга эвакуация қилинган аҳоли тонгни бадантарбия билан бошлади
Хабарингиз бор, жорий йилнинг 1 май куни Сирдарё вилоятидаги Сардоба сув омбори тўғонининг бир қисми ўпирилиши натижасида сув омборидан чиққан сув оқими аҳоли яшаш пунктларига жиддий зарар етказган эди.
Жисмоний тарбия ва спорт вазирлиги томонидан Сардоба сув омбори билан юз берган бахтсиз ҳодисадан натижасида зарар кўрган ҳудудлардан кўчирилган аҳоли саломатлиги ва руҳий ҳолатини мустаҳкамлаш мақсадида улар ўртасида турли спорт турлари бўйича қизиқарли мусобақалар ташкил этилмоқда.
Жумладан, Янгиер шаҳридаги Сирдарё вилояти болалар-ўсмирлар футбол академияси жойлаштирилган 250 нафарга яқин аҳоли бугун тонгни уюшган ҳолда эрталабки бадантарбия машғулотлари билан бошлади.
Шунингдек, кун давомида аҳоли билан бир нечта спорт турлари бўйича мусобақалар ташкил этилади. Мусобақаларда ғолиб ва совриндор бўлганлар эсдалик совғалари билан тақдирланишади.
Ҳавола :
Манба : minsport.uz
Фикрлар