Сардобада катта спорт байрами ташкил этилди

Ўзбекистон Республикаси Президентининг «Ёшлар куни»га бағишланган байрам тадбиридаги маърузалари, энг муҳим фикр ва ташаббусларидан келиб чиққан ҳолда Сирдарё вилояти Спортни ривожлантириш бош бошқармаси ҳамда Сардоба тумани ҳокимлиги ҳамкорлигида чекка ҳудудларда ёшларни жисмоний тарбия ва оммавий спортга жалб этиш ҳамда уларнинг бандлигини таъминлаган ҳолда бўш вақтларини мазмунли ташкил этиш мақсадида аҳолининг кенг қатлами, шу жумладан ёшлар ўртасида спортнинг тош кўтариш, армрестлинг, шахмат-шашка ва оммавий югуриш марафони спорт тадбирлари эрта тонгдан туманнинг «Юртдош» маҳалласидан старт берилди.

Ушбу оммавий мусобақада аҳолининг 7 ёшдан 70 ёшгача бўлган қатламлари «Дўстлик» маҳалласида жойлашган финиш чизиғига қадар масофани босиб ўтди.

Спорт тадбирларида 300 нафардан ортиқ иштирокчилар ғолиблик учун ўзаро беллашди. Натижаларга кўра:

Шахмат спорт турида:

1-ўрин Мамарасулов Дилмурод

2-ўрин Сайдалиев Иброҳим

3-ўрин Шомуродов Хуршид;

Аёллар ўртасида югуриш мусобақасида:

1-ўрин Маҳмудова Гулшода

2-ўрин Мажидова Дилшода

3-ўрин Абдумажидова Марҳабо

Эркаклар ўртасида югуриш мусобақасида:

1-ўрин Орзиқулов Темур

2-ўрин Самаджонов Жаҳонгир

3-ўрин Қаршибоев Абдурашид

Ташкилотчилар томонидан диплом ҳамда қимматбаҳо совғалар билан тақдирланди.