UZ

Сўнгги янгиликлар

11:044 йилдан сўнг US Open турнири Хитойга қайтмоқда 0 10:43Бугун "Ҳумо" "Алмати"га қарши иккинчи уй ўйинини ўтказади 0 10:22Қиличбозлик. Шпага йўналишидаги эркаклар терма жамоамиз Қирғизистонни енгиб, чорак финалга йўл олди + ФОТОГАЛЕРЕЯ 0 10:00А Серия. "Женоа" "Рома"ни йирик ҳисобда мағлуб этди 0 09:39Қиличбозлик бўйича аёллар терма жамоамиз Хитойни мағлуб этиб, Осиё ўйинлари финалига йўл олди! + ФОТОГАЛЕРЕЯ 0 09:18Егор Петряков бу сафар ҳам ўз саралаш гуруҳида биринчи бўлганига қарамай, финалга чиқа олмади + ФОТОГАЛЕРЕЯ 0 09:15Осиё ўйинлари: Бугун тўрт нафар боксчимиз рингга кўтарилади, уларнинг бири Олимпиада лицензияси учун жанг қилади 0 08:57Ла Лига. "Атлетико" сафарда "Осасуна"ни мағлуб этди 0 08:36Қиличбозлик. Сабля йўналишидаги аёллар терма жамоамиз Сингапурни енгиб, ярим финалга йўл олди! + ФОТОГАЛЕРЕЯ 0 08:15Ўқ отиш. Ситора Эргашбоева саралашдан муваффақиятли ўта олмади + ФОТОГАЛЕРЕЯ 0 07:54ФОТО. "У буюк жангчи" 0 07:33Суперлига. Бугун "Бунёдкор" ўз майдонида "Сурхон"ни қабул қилади 0 07:12Осиё ўйинларининг олтинчи кунидан ОНЛАЙН 0 22:14"Ҳумо"нинг Қозоғистон чемпионатидаги мағлубиятсиз серияси давом этмоқда. Жамоа "Алмати" устидан 5:0 ҳисобида ғалаба қозонди 0 22:08Осиё ўйинлари. 28 сентябрь кунидан кейинги медаллар жамғариш рейтинги 0

15 май 16:40
Янгиликлар

Бошқалар

Спортчи ва санъаткорлар “Сардоба” фожиаси жабрдийдалари ҳолидан хабар олишди

Жисмоний тарбия ва спорт вазирлиги Маҳалла ва оилани қўллаб-қувватлаш вазирлиги билан ҳамкорликда “Сардоба” фожиаси натижасида Мирзаобод туманида жойлашган 532-сонли ҳарбий қисм ётоқхонасига вақтинча эвакуация қилинган аҳоли билан учрашди.

Мазкур ҳарбий қисмга Сирдарё вилоятининг Сардоба, Мирзаобод ҳамда Оқолтин туманларидаги “Бирлик”, “Навбаҳор”, “Тинчлик” ва “Шодлик” маҳаллаларида истиқомат қилувчи жами 195 нафар фуқаро жойлаштирилган.

“Сардоба” фожиаси жабрдийдалари билан дўстона учрашувда халқимизнинг севимли санъаткорлари, жумладан Ўзбекистон халқ артисти, “Шайтанат” сериалидаги Асадбек образи билан юртдошларимиз қалбидан жой олган Ёдгор Саъдиев, таниқли режиссёр, Ўзбекистонда хизмат кўрсатган маданият ходими Мираббос Мирзааҳмедов, шунингдек таниқли спортчилар, дзюдо бўйича Осиё чемпиони, ҳарбийлар ўртасида жаҳон чемпионати ғолиби Рамзиддин Саидов, таэквондо ВТФ бўйича Осиё ўйинлари ғолиби Жасур Бойқўзиев, шахмат бўйича кўплаб халқаро турнирлар ғолиби, Зулфия номидаги давлат мукофоти соҳибаси Сарвиноз Қурбонбоева, эркин кураш бўйича ўсмирлар ўртасида жаҳон чемпиони Жамшид Маъруфов, Баҳодирлар ўйини ва тош кўтариш бўйича жаҳон чемпиони, “Мард ўғлон” давлат мукофоти соҳиби Жавоҳир Қурбонов, спортнинг Универсал жанг тури бўйича 8 карра жаҳон чемпиони Алишер Абдуллаевлар иштирок этди.

Учрашувда дастлаб санъаткорлар ўз чиқишлари билан йиғилганларни хушнуд этди. Шундан сўнг даврада маҳаллий спортсевар ёшлар ўз маҳоратларини намойиш этишди ва улар таниқли спортчиларимиз томонидан рағбатлантириб турилди. Эҳтимол, сирдарёлик ёшларга берилган совғаларнинг қиймати юқори эмасдир, аммо буни жаҳон чемпионлари, қайсики халқаро ареналарда ватанимиз байроғини юқориларга кўтариб келаётган спортчилар қўлидан қабул қилиб олиш ўша болакайнинг мурғак қалбида спортга меҳр уйғотишига шубҳа йўқ.

Шунингдек, тадбир давомида Сарвиноз Қурбонбоева маҳаллий шахмат ишқибозларига ўзига хос мастер-класс (маҳорат дарслари) ўтди. Тадбир сўнгида фуқароларни бўш вақтларида жисмоний тарбия ва спорт билан шуғулланишлари, қолаверса китоб ўқишлари учун спорт формалари ва бадиий асарлар тақдим этилди.

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг