Кўнгилли спортчилар Сардобадаги фалокат оқибатларини бартараф этишда қатнашди + ФОТО

Сирдарё вилоятининг Сардоба туманида юз берган техноген фалокат оқибатларини бартараф этиш йўлида ҳарбийларимиз ва маҳаллий аҳоли викилларидан ташқари мамлакатимизнинг турли ҳудудларидан келган кўнгиллилар ҳам фаол меҳнат қилишмоқда.

Жисмоний тарбия ва спорт вазирлиги ташаббуси билан зарар кўрган ҳудудларда спортчи ва тренерлардан ташкил топган “Кўнгилли спортчилар” гуруҳи талофат кўрган аҳоли турар жойлари, ижтимоий соҳа объектлари ва йўлларни қайта тиклаш бўйича олиб борилаётган ишларга кўмаклашмоқда.

Бугун, 12 май куни эрта тонгдан 125 нафар кўнгилли спортчи Сардоба, Оқолтин ва Мирзаобод туманларида ташкил этилган ҳашарларда иштирок этишмоқда.

Мазкур жараён Жисмоний тарбия ва спорт вазирлиги раҳбарияти томонидан доимий назоратга олинган. “Кўнгилли спортчилар” гуруҳи аъзолари карантин қоидаларига қатъий амал қилган ҳолда юртдошларимизнинг оғирини енгил қилишга ўз ҳиссаларини қўшмоқда.