11 дек 18:22
Янгиликлар

Бокс/ММА

Сардор Худойбердиев Octagon 67 турниридаги жанги учун бонусга лойиқ кўрилди

6 декабрь куни Қирғизистоннинг Бишкек шаҳрида ММА бўйича Octagon 67 турнири ўтказилди.

Мусобақанинг иккинчи асосий жанги доирасида ўзбекистонлик аралаш якка кураш устаси Сардор Худойбердиев Қирғизистон вакили Калисбек Саидибрагимга қарши октагонга кўтарилди.

Жангда Худойбердиев очколар ҳисобига кўра ғалаба қозонди.

Эътиборлиси, лига мазкур қарама-қаршиликни мусобақанинг "энг яхши жанги" бонусига лойиқ кўрди.

Лига мазкур бонус суммаси одатда қанча эканлигини эълон қилмайди. Лекин, Olamsport.com сайти манбааларига кўра бонус миқдори 200 (икки юз) долларни ташкил этади.