Саудия Арабистони ҳазиллашмаяпти — Мессидан кейинги икки мақсад ҳам аниқ

Роналду маҳаллий чемпионатда тўп тепяпти. Месси ҳам Саудия Арабистонида, аммо фақат дам олгани борганмиш. 

Саудия Арабистони ҳукумати миллий чемпионатнинг 4 нафар топ-клубида бир нафардан жаҳон даражасидаги юлдуз тўп тепишини истамоқда.

Манбаларнинг хабарига кўра, улар шу йўл билан ички чемпионат даражасини янада кўтариш ва унга бўлган қизиқишни оширишни ният қилишган. Бу лойиҳани ҳаётга тадбиқ этиш учун "Манчестер Сити"нинг собиқ бош директори Гарри Кук ёлланган.

"Ал Насср"да Криштиану Роналду бор. "Ал Ҳилол" ёзда ПСЖ билан шартномаси якунланиши (ва узайтирилмаслиги) кутилаётган Лионель Мессига кўз тиккан.

"Ал Аҳли" "Реал" ярим ҳимоячиси Лука Модрични, хорват мадридликлар билан шартномасини 2024 йилгача узайтириш ниятида бўлса ҳам, ўз таркибида кўришни истайди. "Ал Иттиход" эса "қайморқанглилар" форварди Карим Бенземани "нишонга олган". 

Эслатиб ўтамиз, Карим жамоанинг биринчи таклифини рад этиб улгурди.