Сауль Альварес: "Энг кучли рақиб — чемпионни танлайман!"

"Жангимга саноқли кунлар қолганини истардим, лекин танам ва одатда кечиктириладиган жароҳатлар билан шуғулланишимга тўғри келди. Шунинг учун мен муаммоларни ҳал қилиш учун ўзимга вақт бердим. Бунга арзийди. Ростини айтсам, ҳозир ўзимни жуда яхши ҳис қиляпман.

Ҳозир биз эҳтимолий рақибни кўриб чиқяпмиз, вариантларни таҳлил қиляпмиз. Ричард Шефер ўтган ҳафта Турки Ал аш-Шайх билан Лондонда учрашган. Уларда рақибларнинг бир неча вариантлари бор. Қани, кўрайлик-чи, ким яхшироқ экан. Биз ҳар доим энг кучли ва биринчи навбатда чемпионни танлаймиз", - дея 35 ёшли Альвареснинг сўзларини келтиради Box Azteca.

Эслатиб ўтамиз, айни дамда иккинчи ўрта вазн тоифасида Кристиан Мбилли WBC, Хосе Армандо Ресендес WBA, Ослейс Иглесиас эса IBF чемпиони бўлиб турибди. WBO камари соҳиби май ойида Хамза Шераз ва Алем Бегич ўртасидаги жангда аниқланади.

Альварес ўтган йилнинг сентябрь ойида Теренс Кроуфордга қарши жангда ҳакамларнинг якдил қарори билан ютқазиб қўйган ва ушбу дивизиондаги мутлақ жаҳон чемпиони унвонидан маҳрум бўлган эди. Ўшандан бери Сауль катта рингга чиқмади, Кроуфорд эса ўз навбатида қишда спортдаги фаолиятини якунлаганини эълон қилди.