Сауль Альварес Сондерснинг отаси айтган сўзларга жавоб қайтарди

Аввалроқ, катта Сондерс ўғли ва Канело ўртасидаги жанг рингнинг ўлчами мос келмаганлиги учун тўхтатилгани ҳақида гапирганди.

"Мени рингнинг ўлчами ҳавотирга солмаяпти. Шунчаки рингга чиқаман ва ўз ишимни қиламан. Бу улардаги ягона баҳона эмас. Улар сон мингта. Жанг эса ўтказилади", - деди Альварес.

Эслатиб ўтамиз, ушбу жанг Билли Жо Сондерсга фаолиятидаги энг кўп даромадни келтириши кутилмоқда. Британияликнинг гонорари 7 миллион доллар атрофида бўлиши айтилмоқда.