09 ноя 08:46
Янгиликлар

Бокс/ММА

Сауль Альварес ва Калеб Плантнинг гонорарлари маълум

Бизнинг вақт билан якшанба тонгида АҚШда узоқ кутилган профессионал бокс кечаси ўтказилганди.

Оқомнинг марказий жангида мексикалик Сауль Альварес эндиликда собиқ IBF чемпиони Калеб Плантни 11-раундда нокаутга учратиб, иккинчи яримўрта вазнда мутлақ жаҳон чемпионига айланган эди. Боксчиларнинг ушбу жанг учун кафолатланган гонорарлари маълум бўлди.

Унга кўра чемпионлик жангининг умумий гонорар фонди 50 миллион долларни ташкил этган бўлиб, ушбу суммадан 40 миллиони Канелога, қолган 10 миллиони эса Плантга насиб этди. Ушбу бокс кечаси билан параллел равишда Нью-Йоркда ўтган UFC 268 турнирининг умумий гонорар фонди Сауль қўлга киритган суммадан анча кам.