“Save Aral” марафонининг навбатдаги босқичи Ангренда ўтказилди

Унда Жисмоний тарбия тарбия ва спорт вазирининг биринчи ўринбосари Равшан Эрматов ҳам иштирок этди ва «шахсий намуна» сифатида оммавий югуриш мусобақасида қатнашди.

Маълумки, Ўзбекистон енгил атлетика федерацияси ташаббуси билан республикамизнинг 19та шаҳри бўйлаб «Янги нафас» дастури доирасида “Save Aral” марафони ва юриш бўйича оммавий тадбирлар ўтказиб келинмоқда. Мазкур тадбирлар Тошкент вилоятида ҳам давом эттирилди.

Ангрендаги оммавий спорт тадбирида иштирокчилар велопойга, оммавий югуриш ва юриш мусобақаларида ўз имкониятларини синовдан ўтказишди. Эътиборлиси, ушбу тадбирларда Ўзбекистон паралимпиячилари ҳам муносиб иштирок этиб, ўз матонатларини кўрсатди.

Тадбир якунида “Save Aral” марафони ҳамда юриш бўйича оммавий мусобақанинг ғолиб ва совриндорлари, шунингдек, тадбирда фаол қатнашган иштирокчилар ҳам ташкилотчилар томонидан рағбатлантирилди.