Отабек Умаров: "Марафонда қатнашган ва уни юқори савияда ташкил этганларга раҳмат"

Анъанага айланиб бораётган ушбу нуфузли спорт байрамининг муваффақиятли ўтишида кўплаб ташкилот ва мутасаддиларнинг ҳиссаси муносиб бўлди.

Хусусан, МОҚ раисининг биринчи ўринбосари Отабек Умаров ушбу тадбир юқори савияда ўтказилгани борасида фикрларини билдириб ўтди:

"Бу йилги мусобақа ҳар йилгидан ҳам юқори савияда ўтказилди. Бунда фаол иштирок этган Спорт вазирлиги, мамлакат енгил атлетика федерацияси ва ҳомийларга, юқори даражадаги ташкилий ишларда ёрдам берган мамлакат триатлон федерацияси раиси Виктор Маҳмудов бошчилигидаги Ўзбекистон Республикаси Президенти ҳузуридаги Хавфсизлик кенгашига, баҳсларнинг хавфсиз ўтишини таъминлашдаги ёрдами учун Ички ишлар вазирлиги, Давлат хавфсизлик хизмати, Мудофаа вазирлиги, Миллий гвардия қўмондонлиги, Фавқулодда вазиятлар вазирлиги ҳамда бошқа давлат ва ҳукумат идораларига, шунингдек, мусобақа давомида фидокорона хизмат қилган ҳакамлар ва волонтёрлар жамоасига, уни кенг ёритишда хизмат қилган оммавий ахборот воситалари ходимларига самимий миннатдорчилик изҳор этаман.

Ушбу ҳамжиҳатлик ва юксак масъулият сабаб марафон чинакам спорт байрамига айланди ва иштирокчилар ҳамда меҳмонларда унутилмас таассурот қолдирди", дейди Отабек Муҳаммадалиевич.