19 фев 08:54
Янгиликлар

Каратэ

Сайматов “Karate 1-Premier League” мусобақаси бронза медали соҳиби

Бирлашган Араб Амирликларининг Дубай шаҳрида каратэ бўйича Премьер-лига доирасидаги “Karate 1-Premier League” турнири ўтказилди.

Мазкур нуфузли турнирда ҳар бир вазн тоифасида 64 нафар энг сара каратэчилар иштирок этишди. Олимпия ўйинлари учун рейтинг очколарини тақдим этган мусобақада Садриддин Сайматов, Достон Отаболаев, Барно Мирзаева ва Баҳринисо Бобоевалар юртимиз шарафини ҳимоя қилишди.

Улардан биргина терма жамоамизнинг биринчи рақамли спортчиси Садриддин Сайматов -60 кг вазн тоифасида бронза медалини қўлга киритди. У мусобақанинг бронза медали учун кечган баҳсда макрокашлик спортчига қарши татамига чиқиб, 4:3 ҳисобида зафар қучди.

Маълумот учун, Садриддин Сайматов шу йилнинг январь ойида Париж шаҳрида ўтказилган “Karate 1-Premier League #1” турнирида ҳам бронза медали соҳибига айланганди.